Bakı. Fuad Cəfərov - APA. Xızı rayonunda döyüş sursatı tapılıb. APA-nın Fövqəladə Hallar Nazirliyinin saytına istinadən verdiyi xəbərə görə, “112” qaynar telefon xəttinə daxil olmuş məlumata əsasən Xızı rayonunda dağlıq ərazidə döyüş sursatı aşkarlanıb.
Dərhal FHN-in müvafiq qurumlarının mütəxəssisləri və xilasediciləri zəruri tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Aşkarlanan sursata baxış keçirilərkən onun 1 ədəd 62 millimetrlik təlim-tədris təyinatlı minaatan mərmisi olduğu müəyyənləşdirilib. Aşkar edilmiş sursat aidiyyəti üzrə təhvil verilib. Mütəxəssislər tərəfindən əraziyə təkrar baxış keçirilib və digər partlayış təhlükəli əşya aşkar edilməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
