Cəlilabad. Ağəddin Babayev – APA. Cəlilabad rayonunda bir nəfərin xəsarət alması ilə nəticələnən yol-nəqliyyat qəzası baş verib. APA-nın cənub bürosunun məlumatına görə, hadisə noyabrın 4-də günorta saatlarında rayonun Cəlayar kəndi ərazisində qeydə alınıb. Cəlilabad rayon sakini, 1990-cı il təvəllüdlü Asim Məmmədovun idarə etdiyi “KamAZ” markalı yük maşını idarəetmənin itməsi nəticəsində dərəyə aşıb. Qəza nəticəsində maşının sürücüsü müxtəlif dərəcəli bədən xəsarətləri ilə Cəlilabad Mərkəzi Rayon Xəstəxanasına yerləşdirilib. Burada ona müvafiq tibbi yardım göstərilib və hazırda vəziyyəti ağır olaraq qalmaqdadır.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
