Almaniyalı baş məşqçi Berti Foqtsun yetirmələri Rusiya yığması ilə görüşəcək. Millimizin seçmə mərhələdəki 2-ci səfər oyunu Moskvadakı məşhur “Lujniki” stadionunda baş tutacaq.
Qazandığı yeganə xalı öz meydanında əldə edən komandamız qrup lideri ilə qarşılaşmada sensasiyaya imza atmağa çalışacaq. Çünki ilk 3 oyunda xal itirməyən Rusiya millisi bu matçlarda qol da buraxmayıb.
Rusiyalılar Rumıniya və İspaniya ilə birlikdə seçmə mərhələdə qol buraxmayan 3 Avropa təmsilçisindən biridir. Lakin millimiz şimal qonşularımızı bu siyahıdan kənarlaşdıra bilər.
Bu qarşılaşma rəqiblər arasında 3–cü duel olacaq. DÇ-2010-un seçmə mərhələsində də Berti Foqtsun yetirmələri Rusiya ilə eyni qrupda yer almışdı. Həmin vaxt “Lujniki”də 0:2 hesabı ilə uduzan yığmamız Bakıda rəqibindən xal almağı bacarmışdı. Belə ki, seçmə mərhələnin Bakıdakı son görüşü 1:1 hesabı ilə başa çatmışdı.
20:00. RUSİYA – AZƏRBAYCAN
Baş hakim: Aleksandar Stavrev (Makedoniya)
Baş hakimin köməkçiləri: Marjan Kirovski, Dejan Kostadinov (hər ikisi - Makedoniya)
Dördüncü hakim: Jovan Kaludjeroviç (Monteneqro)
Hakim-inspektor: Steve Bennett (İngiltərə)
Komissar: Nebojsa İvkoviç (Serbiya)
Moskva. “Lujniki” stadionu
1 | Rusiya | 3 | 3 | 0 | 0 | 7-0 | 9 |
2 | Portuqaliya | 3 | 2 | 0 | 1 | 5-2 | 6 |
3 | İsrail | 3 | 1 | 1 | 1 | 7-5 | 4 |
4 | Şimali İrlandiya | 2 | 0 | 1 | 1 | 1-3 | 1 |
5 | Azərbaycan | 2 | 0 | 1 | 1 | 1-4 | 1 |
6 | Lüksenburq | 3 | 0 | 1 | 2 | 2-9 | 1 |