ABŞ Prezidenti Donald Tramp Venesuela Prezidenti Nikolas Maduro ilə görüşün mümkün ola biləcəyini istisna etməyib.
APA xəbər verir ki, bu barədə o, “Axios” nəşrinə müsahibəsində deyib.
“Ola bilər ki, mən bu barədə düşünüm… Maduro görüşmək istəyərdi. Ancaq mən görüşlərə qarşı olmamışam, nadir hallarda görüşlərə qarşı oluram. Mən həmişə deyirəm: siz görüşlərdə çox az şey itirirsiniz. Ancaq bu dəfə mən onlardan imtina etmişəm”, - deyə amerikalı lider bildirib.
Trampın sözlərinə görə, o, müxalifət lideri Xuan Quaydonun prezident kimi tanınması ideyasının “mütləq dəstəkçisi olmayıb”. Ötən il Quaydo qanunsuz olaraq özünü Venesuela rəhbəri elan edib.
“Bəzilərinə bu, xoş gəlib, bəziləri üçünsə yox. Mənim üçün bu, normal idi. Düşünmürəm ki, bu və ya digər halda bunun bir mənası olaydı”, - Tramp belə deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
