Bakı. Şəhriyar Əlizadə - APA. Şəmkir rayonunda silah-sursat satan şəxs saxlanılıb.
APA-nın DİN-in saytına istinadən verdiyi məlumata görə, Şəmkir RPŞ əməkdaşlarının həyata keçirdikləri əməliyyat-axtarış tədbirləri nəticəsində Gədəbəy rayon sakini Qabil Məmmədcəfərov “Makarov” markalı tapançanı, 29 ədəd patronu və 2 ədəd patron darağını həmyerlisi Niyaməddin Hüseynova satarkən tutulub.