Bu gün Bakı Ağır Cinayətlər Məhkəməsində tanışını döyərək xəsarət yetirməkdə təqsirləndirilən Yaşar Balayevin cinayət işi üzrə məhkəmə iclası başa çatıb.
APA-nın məlumatına görə, hakim Zeynal Ağayevin sədrlik etdiyi iclasda hökm oxunub. Hökmə əsasən, Y. Balayev 5 il müddətinə azadlıqdan məhrum edilib. Zamində olan təqsirləndirilən məhkəmə zalında həbs edilib.
Qeyd edək ki, hadisə ötən ilin iyul ayında Binəqədi rayonunda baş verib. Y. Balayev Lalə Fətullayeva adlı tanışından borc verdiyi pulu geri qaytarmasını istəyib. Bu zaman onlar arasında dava düşüb. Y. Balayev L. Fətullayevanı döyərək bədən xəsarətləri yetirib. O, Cinayət Məcəlləsinin 126.1-ci (qəsdən sağlamlığa xəsarət yetirmə) maddəsi ilə ittiham edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
