Bu gün Bakı Ağır Cinayətlər Məhkəməsində Suriyada qanunsuz silahlı birləşmələrin tərkibində döyüşməkdə təqsirləndirilən Rufan Hüseynovun cinayət işi üzrə məhkəmə prosesi başa çatıb.
APA-nın xəbərinə görə, hakim Mirzə Xankişiyevin sədrliyi ilə keçirilən prosesdə hökm oxunub.
Hökmə əsasən, R. Hüseynov 8 il müddətinə azadlıqdan məhrum edilib.
İttihama görə, R.Hüseynov 2014-2015-ci illərdə Suriyada qanunsuz silahlı birləşmələrin təlimlərində iştirak edib.
O, İŞİD tərkibində olan "Çeçen caamatı" qrupuna qoşulub. Daha sonra R.Hüseynov Türkiyəyə qayıdıb və orada saxlanaraq, Azərbaycana deportasiya edilib.