Gədəbəy. Azər Məmmədli – APA, Gədəbəy rayonunda soyğunçuluq hadisəsi baş verib. Gədəbəy rayon Polis Şöbəsindən APA-nın qərb bürosuna verilən məlumata görə, hadisə ötən gecə saat 22.00 radələrində rayon mərkəzində baş verib.
Aptek sahibi, 1949-cu il təvəllüdlü Hacıyev Əfraim Əkbər oğlu işdən evə qayıdan zaman bir nəfər maskalı şəxs ona hücum edərək, onun başına küt alətlə zərbə endirib.
Məlumata görə, soyğunçu aptek müdirinin 270 manat pulunu aparıb. Ə. Hacıyev bədən xəsarətləri ilə Gəncə şəhər Təcili Tibbi Yardım xəstəxanasına yerləşdirilib.
Faktla bağlı Gədəbəy rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
