Yəməndə husilər ilə hökumət qüvvələri arasında şiddətlənən qarşıdurmalar nəticəsində 137 mindən çox uşağın məktəbə gedə bilmədiyi bildirilir.
APA xəbər verir ki, BMT-nin Uşaq Fondu (UNICEF) son gərginliyin 137 mindən çox uşağı təhsildən məhrum etdiyini açıqlayıb.
UNICEF uşaqların qarşıdurmalar səbəbindən gələcəklərini itirməməli olduğunu vurğulayıb və onlar üçün müvəqqəti siniflər yaratmağa çalışdığını bildirib.
Yəmənin qərb sahilində gərginlik səbəbilə ailələrin köçü davam edir. BMT Əhali Fondu və Ümumdünya Ərzaq Proqramının əməkdaşlığı ilə yeni köçkün düşən 14 mindən çox insana əsas ehtiyacları da daxil olmaqla təcili yardım göstərilib.
Qeyd edək ki, Yəməndə qarşıdurmalar iyul ayından etibarən yenidən şiddətlənib və husilərin hökumət qüvvələrinin nəzarətində olan bəzi əraziləri ələ keçirməsi nəticəsində ölkənin qərb sahilində vəziyyət dəyişib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
