"Əl-Qaidə"nin Yəmən qolunun lideri Xalid əl-Batarfi ölüb.
APA "Associated Press"ə istinadən xəbər verir ki, bu barədə terror qruplaşması açıqlama yayıb.
Onun ölüm səbəbi açıqlanmayıb.
Əl-Batarfi "Əl-Qaidə"nin Ərəbistan yarımadasında fəaliyyət göstərən qoluna rəhbərlik edib. AQAP qısaltması ilə tanınan qrup "Əl-Qaidə"nin hələ də fəaliyyət göstərən ən təhlükəli qolu hesab olunurdu.
Xalid əl-Batarfi Ərəbistan yarımadasındakı "Əl-Qaidə" qruplaşmasına illərlə rəhbərlik etdiyinə görə ABŞ hökuməti onun başına 5 milyon dollar mükafat qoymuşdu.
"Əl-Qaidə" əl-Batarfinin kəfənə və "Əl-Qaidə"nin ağ-qara bayrağına büründüyünü göstərən video yayımlayıb.
Onun üzündə heç bir travma izi görünməyib. Əl-Batarfinin 40 yaşlarında olduğu güman edilirdi.
Açıqlamada Saad bin Atef əl-Avlakinin qrupun yeni lideri olacağı qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
