İran Kərəc şəhəri yaxınlığındakı zavoddakı sentrifuqa istehsalı avadanlığının təhlükəsiz yerə köçürüldüyünü təsdiqləyib.
APA-nın Tehran bürosunun məlumatına görə, bunu İranın Atom Enerjisi Təşkilatının sözçüsü Behruz Kəmalvəndi deyib.
O bildirib ki, Kərəc şəhərindəki nüvə zavodunda baş verən terrordan sonra təhlükəsizlik tədbirləri gücləndirilib və senrifuqa istehsal avadanlığının böyük hissəsi daha təhlükəsiz yerə köçürülüb.
Qeyd edək ki, bir müddət öncə Beynəlxalq Atom Enerjisi Agentliyi bildirmişdi ki, İran senrifuqa detalları istehsal edən avadanlığı Kərəcdəki zavoddan Nətənz zavodundakı daha böyük məkana köçürüb.
Kəmalvəndi bildirib ki, hazırda İran və Beynəlxalq Atom Enerjisi Agentliyi arasında texniki məsələlər haqqında müzakirələr aparılmır: "Bəzi xırda məsələlərin qalması mümkündür. Həmin məsələlər də həll olunacaq".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
