Qəzza zolağının şimalında gedən döyüşlər zamanı İsrail Silahlı Qüvvələri HAMAS-ın 12-yə qədər batalyonunu məhv edib.
APA TASS-a istinadən xəbər verir ki, bu barədə İsrail Müdafiə Qüvvələrinin sözçüsü Conatan Konrikus ILTV-yə müsahibəsində bildirib.
"İndiyədək Qəzzanın şimalında yaxşı, davamlı və metodik irəliləyiş əldə etmişik. Biz Qəzzanın şimalında onlarla HAMAS batalyonundan 11-12-ni vurub sıradan çıxarmışıq. Bu, yaxşı irəliləyişdir", - o deyib.
"Hələ ki, onların hamısı sıradan çıxarılmayıb, lakin bizim fəaliyyətimiz nəticəsində əsas döyüş imkanlarına ciddi ziyan dəyib. Amma Qəzzanın mərkəzi və cənub bölgələrində HƏMAS-ın digər hissəsi və daha 12 batalyonu var. Təbii ki, hamı başa düşür ki, oktyabrın 7-də olduğu kimi Qəzzadan növbəti terror aktının qarşısını almaq üçün biz HAMAS-ın bütün imkanlarının məhv edilməsini təmin etməliyik", - o vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
