Pakistanın şimal-qərbindəki Xayber-Paxtunxva əyalətində İslam Alimləri Assambleyası partiyasının konqresində baş vermiş terror aktının arxasında İŞİD terror təşkilatı dayanır.
APA xəbər verir ki, bu barədə Hindistanın “The Siasat Daily” gündəlik nəşri Pakistanın Xayber-Paxtunxva əyalətinin polis idarəsinə istinadən məlumat yayıb.
Polisin verdiyi açıqlamaya əsasən, ilkin istintaq nəticəsində məlum olub ki, 46 nəfərin ölümü və 200-ə yaxın insanın yaralanması ilə nəticələnən terror aktı İŞİD terror təşkilatı tərəfindən təşkil edilib.
Xatırladaq ki, dünən Pakistanın şimal-qərbindəki Xayber-Paxtunxva əyalətində İslam Alimləri Assambleyası partiyasının konqresində yerli vaxtla saat 16:00 radələrində kamikadzenin özünü partlatması nəticəsində terror hadisəsi baş verib.
Hadisə partiya liderlərindən birinin təxminən 400 nəfərdən ibarət bir qrup tərəfdarının qarşısında çıxış etdiyi zaman baş verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
