Əfqanıstandakı Taliban hökuməti Rusiyaya səfir təyin etməyi planlaşdırır.
APA-nın RİA “Novosti”yə istinadən verdiyi xəbərə görə, bu barədə Taliban hökumətinin sözçüsü Zabiullah Mücahid deyib.
“Xüsusilə indi səfirliklərlə bağlı planımız var, Moskvaya səfir təyin etməyi planlaşdırırıq, onu təyin edəcəyik. Səfirliklər və konsulluqlar diplomatik əlaqələr üçün vacibdir və biz bu işdə əməkdaşlıq edirik”, - Z. Mücahid bildirib.
O, səfir təyinatının vaxtını açıqlamayıb və qeyd edib ki, onlar hələ Rusiyadan Taliban hökumətinin tanınması üçün şərtləri almayıblar.
Z. Mücahidin sözlərinə görə, hökumətin tanınması xüsusən ABŞ-la münasibətlərin və etimadın inkişafına töhfə verəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
