Bakı. Real Cəfərli - APA. İran hakimiyyətinə müxalif, mərhum ayətullah Həsənəli Müntəzirinin oğlu Hüseynəli Müntəziri ölkənin ali dini lideri, ayətullah Əli Xamneyiyə məktub yazıb.
APA-nın “Radiofərda”ya istinadən məlumatına görə, Hüseynəli Müntəziri məktubunda 2009-cu ildə İranda keçirilmiş prezident seçkilərindən sonra həbsə alınaraq üç ilə yaxındır ev dustaqlığında saxlanılan ölkə müxalifətinin liderləri Mirhüseyn Musəvi və Mehdi Kərrubinin yeni prezident Həsən Ruhaninin andiçmə mərasimində iştırakına şərait yaradılmasını təklif edib.
Məktubda bildirilir ki, bu gün ölkədəki siyasi və iqtisadi şəraiti, xalqın vəhdətini və həmrəyliyini yaratmaq səyləri həmişəkindən daha çox hiss edilir: “Bütün bunlara əsaslanaraq M.Musəvi, M.Kərrubi, xanım Zəhra Rəhnəvərd və ümumiyyətlə, bütün siyasi və əqidə məhbuslarının inauqurasiya mərasimində iştirakının təmin edilməsinə göstəriş verəsiniz”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
