Bakı. Real Cəfərli - APA. İranla Atom Enerjisi üzrə Beynəlxalq Agentlik (AEBA) arasında XIII dövr nüvə danışıqlarının keçiriləcəyi məkan da məlum olub.
APA-nın “Mehr” xəbər agentliyinə istinadən məlumatına görə, hər iki tərəf də növbəti nüvə danışıqlarının noyabrın 11-də Tehranda keçirilməsi ilə bağlı razılığa gəliblər.
Bundan əlavə, İranla AEBA nümayəndə heyətlərinin oktyabrın 29-da ikigünlük müzakirələrin yekunlarına həsr olunmuş birgə yaydıqları bəyanatın mətni də açıqlanıb.
Sənəddə bildirilir ki, İranın xarici işlər nazirinin müavini Seyid Abbas Əraqçı ilə AEBA-nın icraçı direktoru Yukiya Amano arasında keçirilən görüşdən sonra hər iki tərəf oktyabrın 28-29-da Vyanada faydalı müzakirələr aparıblar: “İran problemlərin həlli, əməkdaşlıq və dialoqun güclənməsi üçün yeni bir təklif təqdim etdi. Tərəflər arasındakı konstruktiv müzakirələrdən sonra bu il noyabrın 11-də Tehranda əməkdaşlığın inkişaf etdirilməsi məqsədilə bir araya gəlinməsi qərarlaşdırıldı”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
