Bakı-APA. Pakistanın paytaxtı İslamabadda hökumət və “Taliban” hərəkatının nümayəndələri arasında silahlı mübarizənin dayandırılmasına dair danışıqların birinci raundu sona çatıb.
APA-nın “BBC”yə istinadən verdiyi xəbərə görə, görüş üç saat davam edib. Tərəflər sonrakı danışıqların şərtlərinin razılaşdırılmasına nail ola biliblər. Belə ki, tərəflər danışıqları poza biləcək hər hansı addımlara yol verməməyə və danışıqların tezliklə yekunlaşdırılmasına dair razılaşma əldə ediblər.
Məlumata görə, Pakistanın baş naziri Navaz Şərif bir müddət əvvəl hökumətin silahlı mübarizənin sülh yolu ilə dayandırılmasına çalışdığını bildirib. O, lakin, danışıqların pozulacağı təqdirdə gücdən istifadə ediləcəyini istisna etməyib.
Pakistanlıların əksəriyyəti bu təmaslara şübhə ilə yanaşır və onları hökumətin zəifliyinin əlaməti kimi qiymətləndirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
