Bakı. Real Cəfərli – APA. İranla Atom Enerjisi üzrə Beynəlxalq Agentlik (AEBA) arasında nüvə müzakirələri dalana dirənib.
APA-nın “Radiofərda”ya istinadən məlumatına görə, bu fikri agentliyin icraçı direktoru Yukiya Amano AEBA İdarə Heyətinin 35 ölkənin nümayəndəsinin iştirakı ilə iyunun 3-də başlamış iclasında səsləndirib.
Onun sözlərinə görə, İranla AEBA arasında 11 dəfə nüvə müzakirələri keçirilməsinə baxmayaraq, danışıqlar nəticəsiz başa çatıb: “Biz konkret nəticə əldə etmək üçün gec qalmamalı və İranın nüvə proqramı ətrafında yaranmış gərginliyin sülh yolu ilə həllinə çalışmalıyıq. Bu, İran və dünya ictimaiyyəti üçün də doğru variantdır”.
Y.Amano bir daha İranı AEBA ilə əməkdaşlıq etməyə çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
