Yaponiya hökuməti aprelin 18-dən 22-dək Kuril adalarının cənub hissəsində raket təlimləri keçirmək planları ilə bağlı Rusiyaya etiraz edib.
APA-nın Moskva müxbiri TASS-a istinadən xəbər verir ki, bu barədə Tokioda keçirilən mətbuat konfransında Nazirlər Kabinetinin baş katibi Hirokazu Matsuno bildirib.
“Rusiya hakimiyyətinin sahil mühafizəmizə göndərdiyi bildirişə əsasən, aprelin 18-dən aprelin 22-dək İturup adası yaxınlığında raket atışları ilə təlimlərin keçirilməsi planlaşdırılır"- deyə o qeyd edib.
Onun sözlərinə görə, təlim zonasına Yaponiyanın özünün hesab etdiyi ərazi daxildir.
“Biz etiraz etdik, çünki Rusiyanın şimal ərazilərdə hərbi mövcudluğunu gücləndirilməsi ölkəmizin mövqeyi ilə ziddiyyət təşkil edir”, - deyə Matsuno əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
