Avropa İttifaqı (Aİ) 2027-ci ildə Arktikada quruda və dənizdə mümkün təhlükələri aşkar etmək üçün peyk müşahidə proqramına başlamağı planlaşdırır.
APA xəbər verir ki, bu barədə “Bloomberg” məlumat yayıb.
Məlumata görə, bu məqsədlə Avropanın “Copernicus” və Galileo peyk sistemlərindən istifadə imkanları genişləndiriləcək.
Yeni təşəbbüs Rusiyanın və Çinin regionda artan fəallığı fonunda Aİ-nin təhlükəsizlik imkanlarını gücləndirmək məqsədi daşıyır. Strategiyada Rusiyanın Arktikada hərbi mövcudluğunu tədricən bərpa etdiyi, Çinin isə Moskva ilə əməkdaşlığını dərinləşdirdiyi qeyd olunur.
Bundan əlavə, Aİ kritik rəqəmsal xidmətlərin fəaliyyətini təmin edən sualtı kabellərin qorunması üçün “Arktika kabel mərkəzi” yaratmağı planlaşdırır.
Bundan başqa Arktikada gəmiçilik intensivliyinin artmasının qəza, ətraf mühitin çirklənməsi və hibrid müdaxilə risklərini yüksəltdiyi vurğulanır.
Aİ, həmçinin regionla bağlı müntəzəm sammitlər keçirməyi və yerli tərəfdaşlarla birgə maliyyələşdirilən layihələr həyata keçirməyi nəzərdə tutur. Yeni strategiyanın yaxın vaxtlarda ictimaiyyətə təqdim ediləcəyi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
