Bab əl-Məndəb boğazı ətrafında vəziyyətin gərginləşməsi və Yəməndəki “Ənsar Allah” hərəkatının (husilər) irəliləməsi fonunda Almaniyanın yanacaqdoldurma məntəqələrində yanacağın qiyməti kəskin artıb.
Bu barədə “Bild” məlumat yayıb.
Nəşrin məlumatına görə, şənbə günü yerli vaxtla saat 12:00-da Almaniya üzrə dizel yanacağının bir litrinin orta qiyməti 2,56 avroya yüksəlib. Bundan əvvəl qiymət təxminən 20 avrosent aşağı olub.
“Bild” qeyd edir ki, gün ərzində bu miqyasda qiymət sıçrayışları digər vaxtlarda da müşahidə oluna bilər, lakin adətən qiymətlər qısa müddətdən sonra yenidən aşağı düşür. Bu dəfə isə dizelin qiyməti yüksək səviyyədə qalmaqda davam edib.
Nəşr yanacaq qiymətlərinin müqayisəsi üzrə “clever-tanken.de” portalına istinadən bildirib ki, şənbə günü Berlindəki yanacaqdoldurma məntəqələrindən birində dizelin bir litrinin qiyməti təxminən 2,8 avroya çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
