Almaniyanın Meherniç şəhərində Bundesverin bazası üzərində naməlum pilotsuz uçuş aparatları müşahidə olunub.
Bu barədə "Süddeutsche Zeitung" polisinin məxfi hesabatına istinadən məlumat yayıb.
Məlumata görə, cümə axşamı axşam saatlarından cümə günü səhərədək özəl mühafizə şirkətinin əməkdaşları altı naməlum PUA uçuşu qeydə alıblar. Hadisə barədə dərhal polisə məlumat verilib. Polis əməkdaşları da səhər saatlarında bazanın üzərində böyük PUA müşahidə ediblər.
Bazanın ərazisində silah və ehtiyat hissələrinin böyük anbarı yerləşir, həmçinin “Patriot” hava hücumundan müdafiə sistemlərinin təmiri həyata keçirilir.
PUA-ların uçuşlarının arxasında kimin dayandığı hələlik məlum deyil. Polis hərbi obyektlərin icazəsiz çəkilişində şübhəli bilinən şəxslərlə bağlı araşdırma başladıb. Araşdırmaya Bundesverin Hərbi Əks-Kəşfiyyat Xidməti və Berlində fəaliyyət göstərən PUA-lara qarşı mübarizə üzrə Birgə Mərkəz də cəlb olunub.
Bundesverin operativ komandanlığı hadisəni təsdiqləyib və ən azı iki PUA-nın müşahidə edildiyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
