Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozep Borrel Çin Kommunist Partiyasının Mərkəzi Komitəsinin Xarici Əlaqələr Komissiyasının rəhbəri, Siyasi Büronun üzvü Van İ ilə görüşüb.
APA xəbər verir ki, bu barədə Ali Nümayəndə Borrelin "Twitter" hesabında məlumat verilib.
"Direktor Van İ ilə Aİ-Çin münasibətlərinin məsuliyyətlə idarə olunmasına dair konstruktiv və hərtərəfli müzakirəmiz oldu. Mən Aİ-nin Rusiyanın Ukraynaya qarşı təcavüzkar müharibəsinə son qoymasında Çinin rolu və humanitar yardımla bağlı gözləntilərini ifadə etdim.
Tayvan boğazında sabitliyin və status-kvonun qorunmasını da müzakirə etdik.
Tezliklə Pekində Strateji Dialoqun keçirilməsini və ümumi qlobal çağırışlar üzrə qarşılıqlı əməkdaşlığın dərinləşdirilməsini səbirsizliklə gözləyirik", - Borrel bildirib.
Qeyd edək ki, görüş Cakartada ASEAN ölkələrinin XİN rəhbərlərinin iclası çərçivəsində baş tutub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
