Ukrayna böhranı özünün ən təhlükəli mərhələsindədir. Ukrayna sərhədində Rusiya qoşunlarının hərəkəti ilə bağlı kəşfiyyat məlumatları hələ də xoşagəlməz olaraq qaldığından, yaxın bir neçə gün ərzində düzgün addım atmaq vacibdir.
APA-nın xəbərinə görə, bu barədə Böyük Britaniyanın Baş naziri Boris Conson NATO Baş katibi Yens Stoltenberqlə keçirdiyi birgə mətbuat konfransında deyib.
“Dürüst olaraq deyim ki, mən hələ Moskva tərəfindən qərar qəbul olunduğunu düşünmürəm. Amma bu, o demək deyil ki, həqiqətən çox tezliklə fəlakətli bir şeyin baş verməsi mümkün deyil. Təəssüflə, kəşfiyyat məlumatlarımızın hələ də xoşagəlməz olduğunu deməliyəm. Bu, yaxın bir neçə gün, Avropanın onilliklər ərzində üzləşdiyi ən böyük təhlükəsizlik böhranının ən təhlükəli anıdır və biz bunu düzgün anlamalı və hərəkət etməliyik. Düşünürəm ki, sanksiyalar, hərbi qətiyyət və üstəlik diplomatiyanın birləşməsi tələb olunandır”, - Boris Conson qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
