Finlandiya Ukraynaya 159 milyon avro dəyərində sayca 24-cü hərbi yardım paketi göndərəcək.
APA-nın “mint” bu barədə ölkənin Müdafiə Nazirliyi açıqlama yayıb.
Bildirilib ki, bununla da Rusiya-Ukrayna müharibəsinin başladığı dövrdən ölkəsinin rəsmi Kiyevə göstərdiyi dəstəyin həcmi 2,2 milyard avroya çatacaq.
Ölkənin müdafiə naziri Antti Kaikonnen yayılan məlumatları təsdiqləyib. Onun sözlərinə görə, təhlükəsizlik səbəbindən yardımın göndəriləcəyi tarix açıqlanmayacaq:
“Biz yardım paketinə hansı növ hərbi təyinatlı vasitələrin daxil olacağını da elan etməyəcəyik. Lakin onu deyə bilərəm ki, ölkəmiz Almaniya, İtaliya, Estoniya və Lüksemburq kimi dövlətlərin iştirakçısı olduğu proqrama qoşulub. Bu proqram çərçivəsində Ukraynaya zirehli texnikanın göndərilməsi də təmin olunacaq” - Finlandiyalı nazir belə deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
