Fransada məktəblərdəki vəziyyətə və gənclərin gələcəyi ilə bağlı qeyri-müəyyənliyə etiraz olaraq keçirilən aksiyalar fonunda ölkə üzrə təhlükəsizlik tədbirləri gücləndirilib.
“France 24”ün məlumatına görə, hökumət mümkün iğtişaşların qarşısını almaq məqsədilə ölkə ərazisində 70 min polis əməkdaşı səfərbər edib və bu gün ölkə üzrə yüz minlərlə insanın etirazlara çıxacağı gözlənilir.
Fransa Təhsil Nazirliyinin açıqlamasına əsasən, dövlət ibtidai məktəblərində çalışan müəllimlərin 17,5 faizinin bugünkü tətilə qoşulacağı ehtimal edilir.
Etirazlarda iştirak edən tələbələr məktəblərdəki şəraitin pisləşməsinə və gənclərin gələcək imkanları ilə bağlı narahatlıqlara diqqət çəkirlər.
Hökumət sözçüsü Maud Brejon bildirib ki, hakimiyyət bu dəfə mümkün insidentlərin qarşısını almaq üçün son dərəcə diqqətlidir.
Təhlükəsizlik tədbirləri çərçivəsində Parisdə həmkarlar ittifaqlarının təklif etdiyi yürüş marşrutu da dəyişdirilib. Hakimiyyət ilkin marşrut əvəzinə alternativ istiqaməti təsdiqləyib.
Bununla yanaşı, həmkarlar ittifaqları və insan hüquqları təşkilatları hökumətin məhdudiyyətlərini tənqid edərək polis qüvvələrinin davranışını həddindən artıq sərt adlandırıblar. Fransız polisi nümayişçilərə qarşı güc tətbiq etməkdə də ittiham olunur.
Hökumət isə mümkün hüquq pozuntularının araşdırılacağını bəyan edib.
İndiyə qədər keçirilən etirazlarda 2700-dən çox insan həbs edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
