Gürcüstan Avropa İttifaqı (Aİ) namizədi statusu əldə edilməsi üçün Avropa Komissiyası tərəfindən təqdim edilmiş 12 tövsiyədən yalnız 3-nü yerinə yetirib.
APA-nın Gürcüstan bürosu xəbər verir ki, bunu Aİ-nin Qonşuluq və Genişlənmə üzrə komissarı Oliver Varhelyi Gürcüstan, Ukrayna və Moldovanın islahatlar sahəsində əldə etdiyi tərəqqi ilə bağlı şifahi hesabatını təqdim edərkən deyib. O, qeyd edib ki, Gürcüstan gender bərabərliyi və qadınlara qarşı zorakılıq, AHİM qərarlarının nəzərə alınması, Ombudsmanın şəffaf proseslə müəyyən edilməsi sahələrində tövsiyələri yerinə yetirib.
Varhelyi 12 prioritet istiqamətdən 7-si üzrə bəzi irəliləyişlərin əldə edildiyini qeyd edib. Əlavə edib ki, bu irəliləyişlər qütbləşmə, seçki mühiti, şəffaf ədliyyə islahatları, mütəşəkkil cinayətkarlıq və korrupsiya ilə mübarizə sahələrindədir.
Qeyd edək ki, Gürcüstanın hakim “Gürcü Arzusu” partiyası bir neçə gün tövsiyyələrin 80 faizinin yerinə yetirildiyini, prosesin iyunun sonunadək yekunlaşacağını bəyan etmişdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
