Gürcüstan Daxili İşlər Nazirliyi Rusiya-Gürcüstan arasındakı Lars sərhəd-buraxılış məntəqəsindəki vəziyyətlə bağlı bəyanat yayıb.
APA-nın Gürcüstan bürosu xəbər verir ki, DİN iyunun 24-də buraxılış məntəqəsindəki vəziyyətin əvvəlki günlər və həftələrlə eyni olduğunu bəyan edib. Qeyd olunub ki, qurum sərhəd buraxılış məntəqəsinə həmişəki qaydada nəzartəti davam etdirir.
“Gürcüstana daxil olan və ölkədən çıxanların sayında artım müşahidə olunmur. Daxili İşlər Nazirliyinin əməkdaşları adi rejimdə işləyirlər. Nəzarət hansı səviyyədə olmalıdırsa, o səviyyədədir. Hər kəs həmişə olduğu kimi standart qaydada yoxlanılır”, - deyə Gürcüstan DİN-in nümayəndəsi Davit Pxaladze bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
