Avropa

Ana səhifə

Avropa

Macarıstan Niderland Baş nazirinin NATO-nun baş katibi olmasına qarşıdır

Macarıstanın xarici işlər naziri Peter Siyarto

06 mart 2024 11:28 (UTC +04:00)

Macarıstan Niderlandın Baş naziri Mark Ruttenin bu ilin sonunda NATO-nun hazırkı baş katibi Yens Stoltenberqin səlahiyyət müddətinin başa çatması ilə boşalacaq posta keçməsinə qarşıdır.
APA POLITICO-ya istinadən xəbər verir ki, bu barədə Macarıstanın xarici işlər naziri Peter Siyarto deyib.
"Əlbəttə, əvvəllər Macarıstanı diz çökdürmək istəyən bir şəxsin NATO-nun baş katibi vəzifəsinə seçilməsini dəstəkləyə bilmərik", - Siyarto bildirib.
Mark Rutte Macarıstanda Viktor Orbanın rəhbərlik etdiyi hazırkı hökuməti tənqid edənlərdəndir.
2021-ci ildə Rutte, Macarıstanın Baş naziri Viktor Orban tərəfindən təqdim edilən yeni anti-LGBT qanunvericiliyini pisləyərək, ölkənin "artıq Avropa İttifaqında heç bir işi olmadığını və uzunmüddətli məqsədin Macarıstanı bu məsələdə diz çökdürmək", dən ibarət olduğunu qeyd etmişdi.
London, Paris və Berlin Ruttenin NATO-nun baş katibi postuna seçilmək cəhdlərini dəstəkləyəcəklərini bəyan ediblər.
Rusiya sərhədinə yaxın NATO-nun şərq cinahındakı ölkələr isə müxtəlif səbəblərdən Mark Ruttenin bu posta seçilməsindən əmin deyil. Belə ki, Baltikyanı ölkələr Baş nazir Mark Ruttenin Niderlandın müdafiə xərclərini artırmamasından, Rumıniya Prezidenti Klaus Yohannis isə ölkəsinin Şengen zonasına qoşulmasına Niderlandın uzun müddətdir müqavimət göstərməsindən narazıdır.