Ukrayna Silahlı Qüvvələrinin Rusiya ərazisindəki əməliyyatları məqbuldur.
APA xəbər verir ki, bunu Almaniyanın müdafiə naziri Boris Pistorius deyib.
Onun sözlərinə görə, müharibədə təcavüzə məruz qalan tərəfin təchizat yollarının bağlaması məqsədilə düşmən ərazisinə keçməsi normaldır.
“Ukraynada şəhərlər, mülki vətəndaşlar, yaşayış ərazilərinə hücumlar dayandırılana kimi siz (red. – Rusiya tərəfi) bununla barışmalı olacaqsınız. Təchizat xətlərini kəsmək Ukraynanın hərbi əməliyyatlarının bir hissəsidir”, - Pistorius əlavə edib.