"PKK kimi terror təşkilatlarına qarşı mübarizədə əməkdaşlığımızı gücləndirmək həm Türkiyə, həm də Avropa üçün vacibdir".
APA xəbər verir ki, bunu NATO Baş katibi Yens Stoltenberq NPR-ə müsahibəsində deyib.
Türkiyənin NATO-nun çox mühüm müttəfiqi olduğunu vurğulayan Stoltenberq bu ölkənin Suriyada və İraqda İŞİD-lə mübarizədə son dərəcə vacib rol oynadığını xatırladıb. "Türkiyə həm də İraq və Suriya ilə həmsərhəd olan yeganə NATO müttəfiqidir."
NATO Baş katibi PKK-ya qarşı mübarizədən də danışıb: "PKK Türkiyədə terror təşkilatıdır, lakin İsveçdə və Avropanın digər ölkələrində mütəşəkkil cinayətə görə də məsuliyyət daşıyır. Hazırda PKK kimi terror təşkilatlarına qarşı mübarizədə əməkdaşlığımızı gücləndirməyimiz həm Türkiyə, həm də Avropanın qalan hissəsi üçün vacibdir".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
