Ukrayna Polşadan 100 ədəd “Rosomak” zirehli transportyoru alacaq.
APA xəbər verir ki, bunu “Polskiej Grupy Zbrojeniowej” (PGZ) holdinqinin rəhbəri Sebastiyan Çvalek (Sebastian Chwałek) “Polsat News “ kanalının efirində deyib.
Çvalek qeyd edib ki, zirehli texnika müxtəlif versiyalarda təqdim ediləcək və müxtəlif silahlarla təchiz olunacaq.
O həmçinin əlavə edib ki, Polşa müdafiə sənayesinin potensialı baxımından Ukrayna ilə ikinci ən böyük hərbi ixrac müqaviləsi “Rosomak” zirehli texnikasının göndərilməsi olacaq və çatdırılma şərtləri müqavilədən asılı olacaq.