Bakı-APA. “Qazprom” və İran Ermənistana qaz tədarükünə dair mübadilə əməliyyatları ilə bağlı məsələləri müzakirə edirlər. APA-nın “TASS”a istinadən verdiyi xəbərə görə, bu barədə “Qazprom”un rəhbəri Aleksey Miller Lüksemburqda Gürcüstanın energetika naziri Kaxaber Kaladze ilə keçirdiyi görüşün nəticələrini şərh edərkən bildirib.
“Bəli, bu mövzuya toxunulub, hazırda biz iranlı həmkarlarımızla Ermənistana qaz tədarükünə dair mübadilə əməliyyatlarını müzakirə edirik”, deyə Miller Gürcüstan ərazisindən qazın tranzitinə dair danışıqlar zamanı İrandan Ermənistana qaz tədarükü mövzusunun müzakirə olunub-olunmadığına dair suala cavabında bildirib.
Qeyd edək ki, “Qazprom” və Gürcüstan ötən gün Rusiya qazının Gürcüstan ərazisindən tranziti və qazın respublikaya kommersiya tədarükü ilə bağlı məsələlərin müzakirəsi davam etdirilib. “Qazprom” 2014-cü ildə Gürcüstana 0,3 mlrd kubmetr qaz tədarük edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
