Bakı-APA. Böyük Britaniyanın parlamentində ölkənin Hərbi-Hava Qüvvələrinin Suriyada İŞİD-ə qarşı hərbi əməliyyatlarda iştirak etməsinə dair səsvermə dekabrın 2-də keçiriləcək.
APA-nın TASS agentliyinə istinadən verdiyi məlumata görə, bunu Böyük Britaniyanın baş naziri Devid Kemeron bəyan edib.
“Hazırda deputatların əksəriyyəti yalnız İraqda deyil, Suriyada da İŞİD-in mövqelərinə hava zərbələrinin endirilməsinin lehinədir. Onlar anlayırlar ki, terrorçular dövlət sərhədlərini tanımır. Suriyada beynəlxalq koalisiya tərkibində iştirak Böyük Britaniyanın milli maraqlarına uyğundur. İŞİD-in mövcudluğu ölkə üçün təhlükə kəsb edir”, deyə D.Kemeron bildirib.
Xatırladaq ki, 2014-cü ilin sentyabrında Böyük Britaniya parlamenti İraqdaki İŞİD mövqelərinə aviazərbələrin endirilməsinə razılıq verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
