APA-nın “RİA Novosti”yə istinadən verdiyi xəbərə görə, bu barədə Gürcüstanın müdafiə naziri İrakli Alasaniya bildirib.
“NATO həmçinin müdafiə silahlarının alınması və tədarükü məsələsində Gürcüstana yardım etməyə razılaşıb”, deyə nazir əlavə edib. Onun sözlərinə görə, Gürcüstanın Müdafiə Nazirliyi və Silahlı Qüvvələri yanında NATO-nun hərbi mütəxəssislərindən ibarət qrup fəaliyyət göstərəcək. Onlar yeni əməkdaşlıq paketi çərçivəsində razılaşmaların icrasını əlaqələndirəcəklər.