Bakı - APA. NATO baş katibi Yens Stoltenberq Avropada təhlükəsizlik qaydalarının yenidən nəzərdən keçirilməsi təşəbbüsü ilə çıxış edib.
APA-nın “Associated Press”ə istinadən verdiyi məlumata görə, Y. Stoltenberq Avropada təhlükəsizlik nizamının artıq köhnəldiyini bildirib.
“Bu, yeni “soyuq müharibə” deyil, lakin bir xəbərdarlıqdır”, - deyə o vurğulayıb.
Y. Stoltenberq qeyd edib ki, Rusiyaya məxsus Su-24 təyyarəsinin vurulması ilə bağlı insident “səbr və diplomatiya” tələb edir: “Kortəbii şəkildə eskalasiya istiqamətində addımlamamalıyıq. Eyni zamanda Avropada hərbi fəallıqla bağlı razılaşma yenidən nəzərdən keçirilməlidir”.
Qeyd edək ki, noyabrın 24-də Türkiyənin F-16 təyyarəsi Rusiyaya məxsus Su-24 qırıcısını vurub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
