ABŞ-da güclü külək və tornado 33 nəfərin həyatına son qoyub - VİDEO - YENİLƏNİB

ABŞ-da güclü külək və tornado 33 nəfərin həyatına son qoyub - VİDEO - YENİLƏNİB
  • Clock-gray 10:13
  • calendar-gray 14 Aprel 2020

ABŞ-ın cənub-şərqində güclü külək və tornado qurbanlarının sayı artır.

APA-nın xəbərinə görə, NBC telekanalı təbii fəlakətin 33 nəfərin həyatına son qoyduğu barədə məlumat yayıb. Bundan əvvəl 26 nəfərin öldüyü xəbər verilmişdi.

Missisipi, Luiziana, Corciya və Alabama ştatlarında fövqəladə vəziyyət rejimi elan olunub. Daha çox ziyan Missisipi ştatına dəyib, eyni zamanda burada 11 nəfər ölüb. Cənubi Karolinada 9, Corciyada 8, Tennessidə 3, Arkanzas və Şimali Karolina ştatlarının hər birində isə bir nəfər hava şəraitinin qurbanı olub.

Tornado və güclü külək ABŞ-ın cənub-şərq ştatlarında ötən bazar günü müşahidə edilməyə başlayıb.

NBC-nin məlumatına görə, 1 milyondan çox insan elektrik enerjisiz qalıb.

***

04.28

ABŞ-ın cənubunda güclü küləklə müşahidə edilən qasırğa nəticəsində 26 nəfər ölüb.

APA ABC telekanalına istinadən xəbər verir ki, Mississippi ştatında 11, Cənubi Karolina ştatında 8, Corciya ştatında 6, Arkanzas ştatında isə 1 nəfər həyatını itirib. 

Luiziana ştatında 300-dək evə ziyan dəyib, itki yoxdur.

Luiziana, Arkanzas, Tennessi, Alabama, Cənubi Karolina və Şimali Karolinada 800 minə yaxın insan elektrik enerjisiz qalıb. 

Üç ştatda (Missisipi, Luiziana və Alabama) fövqəladə vəziyyət elan edilib.

 

Rəşad Sarıyev

Digər xəbərlər

Arxiv

date