"Bir saat öncə Natanz bölgəsində Hərbi Hava Qüvvələrinin mümkün hava hücumuna çevik reaksiyanı dəyərləndirmək məqsədilə bölgədə olan zenit-raket kompleksinin sınaq atışı keçirilib".
APA-nın Tehran bürosunun məlumatına görə, bunu İran Silahlı Qüvvələrinin sözçüsü general Şahin Təqixani Natanz nüvə stansiyasının yaxınlığında güclü partlayış səsinin eşidilməsi ilə bağlı açıqlama verərkən deyib.
O bildirib ki, raket sınağı bölgədə olan HHQ-nin raket sistemlərinin ehtimal olunan hücumlara qarşı gücünü yoxlamaq məqsədilə baş tutub. "Təlim sınaqları tamamilə təhlükəsiz şəraitdə, ölkənin müdafiə şəbəkəsi ilə tam koordinasiyada həyata keçirilib. Bununla bağlı heç bir narahatlığa əsas yoxdur".
***
22:42
İranın Natanz nüvə stansiyasının yaxınlığında güclü partlayış səsi eşidilib
APA-nın Tehran bürosunun məlumatına görə, partlayışın səsini, eləcədə ətrafa saçan güclü işığı yerli sakinlər də görüb.
İranın FARS agentliyinin məlumatına görə, səmada Hərbi Hava Qüvvələrinin (HHQ) Hava Hücumundan Müdafiə bölmələri tərəfindən naməlum pilotsuz təyyarə vurulub.
Digər məlumata görə isə HHQ-nin keçirdiyi təlimlərdə atılan mərmilərin səsidir. Lakin hələ də rəsmi məlumat açıqlanmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
