Böyük Britaniyanın Baş naziri Boris Conson və ABŞ prezidenti Donald Tramp arasında telefon danışığı olub.
APA-nın Böyük Britaniya bürosunun verdiyi xəbərə görə, Boris Conson xəstəxanada koronavirusdan müalicə olunarkən ona xoş arzularını çatdıran ABŞ prezidentinə təşəkkür edib.
Liderlər ABŞ-ın hazırda rəhbərlik etdiyi G7 ölkələri də daxil olmaqla, koronavirusa qarşı beynəlxalq mübarizənin vacibliyi barədə razılığa gəliblər.
Bundan əlavə Boris Conson və Tramp ən qısa müddətdə ticarət müqaviləsi imzalayaraq ikitərəfli münasibətləri daha da möhkəmləndirmək qərarına gəliblər.
Qeyd edək ki, koronavirusa yoluxduqdan sonra xəstəxanada müalicə alan və aprelin 12-də evə buraxılan Consonun müalicəsi Çekuersdə Baş Nazirə məxsus iqamətgahda davam etdirilir. O, rəsmi olaraq vəzifəsinə qayıtmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
