Borrell: “Türkiyə vacib regional gücdür və onun tarixi taleyi Aİ-yə qoşulmaq ola bilər”

Borrell: “Türkiyə vacib regional gücdür və onun tarixi taleyi Aİ-yə qoşulmaq ola bilər”
# 30 mart 2021 17:41 (UTC +04:00)

“Həqiqətən də Avropa İttifaqının (Aİ) Türkiyə ilə iş birliyində və qarşılıqlı faydalı əlaqələrin inkişafında strateji marağı var”.

APA-nın xəbərinə görə, bunu Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell “Aİ-Türkiyə münasibətləri: körpü qurmağa ehtiyac” adlı məqaləsində qeyd edib.

Cozep Borrell bildirib ki, Aİ liderləri Gömrük İttifaqının modernləşdirilməsi, yüksək səviyyəli dialoqun və insanlar arasında təmasların yenidən başladılması və miqrasiya sahəsində əməkdaşlığın gücləndirilməsi də daxil olmaqla əməkdaşlığın vacib istiqamətlərində Türkiyə ilə işləməyə hazırdır.

Aİ rəsmisi məqaləsində vurğulayıb ki, münasibətlərin normallaşması çox mürəkkəb bir ildən sonra - Türkiyə və Aİ arasında gərginlik və münasibətlərin səviyyəsinin ən aşağı həddə çatdığı bir dövrdən sonra baş verib: “2020-ci ilin sonlarına doğru Türkiyə Aİ ilə yenidən əlaqə qurmaq üçün marağını ifadə etməyə başladı. Neqativ ritorika əhəmiyyətli dərəcədə azaldı və Şərqi Aralıq dənizindəki Aİ üzv dövlətlərinin maraqlarına zidd hərəkətlər dayandırıldı. Vəziyyət kövrək olaraq qalır, ancaq Aİ Türkiyə tərəfindən olan bu inkişafı və jestləri alqışlayır və buna əlini uzadaraq cavab verib. Həqiqətən də Avropa İttifaqının Türkiyə ilə iş birliyində və qarşılıqlı faydalı əlaqələrin inkişafında strateji marağı var. Bu, Türkiyə üçün də eyni dərəcədə keçərlidir. Aİ Türkiyənin sərmayə mənbəyi ilə yanaşı, bu ölkənin bir nömrəli idxal və ixrac ortağıdır”.

Türkiyə və Aİ arasında ticarət göstəricilərinə toxunan C. Borrell pandemiyadan əvvəl 69,8 milyard avro dəyərində Türkiyə ixracatının Aİ-yə yönəldiyini və 58,5 milyard avro xarici birbaşa investisiyanın Aİ-dən Türkiyəyə gəldiyini deyib: “5,5 milyondan çox Türkiyə vətəndaşı Aİ-yə üzv ölkələrdə yaşayır və "Eurobarometr"ə görə Türkiyə vətəndaşlarının 61%-i Aİ-ni dünyada nüfuzlu aktyor hesab edir”.

NATO çərçivəsində Türkiyə ilə təhlükəsizlik və müdafiə sahəsində əməkdaşlığa da toxunub.

“Türkiyənin Avropanın yolunu tutmaqdan daha yaxşı variantlarının real olduğunu düşünmək çətindir”, - deyə o qeyd edib.

O bildirib ki, Aİ liderləri münasibətdə mərhələli və mütənasib yanaşmanın lazım olduğunu vurğulayıblar: “Münasibətlərimizi davamlı şəkildə düzəltmək üçün cəsarət və qətiyyət, eyni zamanda rahatlıq və anlayış lazımdır.

Təxirə salınan bəzi məsələlər on illərdir davam edən fikir ayrılıqları və münaqişələrə qarışıb. Lakin bu gün həll yolu tapmaq üçün göstərilən səylər keçmişdən göstərilən səylərdən fərqlənir: köhnə mübahisələrin Avropa İttifaqının təhlükəsizlik maraqlarına nə qədər təsir etdiyinə dair yüksək düşüncə formalaşıb. Artıq bunlar Türkiyə ilə bəzi üzv dövlətlər arasında yalnız ikitərəfli məsələlər hesab edilə bilməz. Türkiyə vacib bir regional gücdür və bu ölkənin tarixi taleyi Avropa İttifaqı bayrağı altında qurduğumuz bənzərsiz sülh layihəsində Avropanın qalan hissəsinə qoşulmaq ola bilər”.

Strateji qütbləşmənin dünyada yenidən meydana çıxdığını qeyd edən Aİ-nin Ali Nümayəndəsi Türkiyəni də əhatə edən Avropa demokratik sütununun gücləndirilməsinin bu qütbləşmədə əsas tarazlıq elementi ola biləcəyini deyib: “Bu Avropa İttifaqı Şurasının təklif etdiyi mümkün bir körpüdür. Biz indi bu körpünü tikməliyik və inanıram ki, hər iki tərəfdən aydın siyasi seçim və öhdəliklə bunu edə bilərik. Bizim tərəfimizdən Aİ lazımi səyləri göstərməyə hazırdır. Türkiyə də buna eyni dərəcədə razıdırsa və müvafiq hərəkətlərlə daha müsbət ritorika ortaya qoyursa gərginləşmədən uzaqlaşıb qarşılıqlı faydalı gündəm qurmağa davam edə bilərik”.

#
#

ƏMƏLİYYAT İCRA OLUNUR