Gürcüstanın müxalif “Avropalı Gürcüstan” partiyasının regional rəhbəri Koba Zakareişvili və Oto Kaxidze Gürcüstan Daxili İşlər Nazirliyinin (DİN) əməkdaşları tərəfindən saxlanılıb.
APA-nın yerli bürosu xəbər verir ki, bu barədə Gürcüstanın İctimai telekanalı məlumat yayıb. Bildirilib ki, adı çəkilən şəxslər yük maşını ilə parlament binası qarşısında keçiriləcək etiraz aksiyasının iştirakçılarına qızınmaq üçün odun daşıyıblar.
Gürcüstan DİN-in açıqlamasında həmin şəxslərin inzibati xətalara görə saxlanıldığını açıqlanıb.
Qeyd edək ki, bu gün saat 19:00-da Gürcüstan parlamentinin binası qarşısında etiraz aksiyalarının bərpa ediləcəyi bildirilib. Qanunverici orqanın həyətinə bu gün səhər saatlarından etibarən polis əməkdaşları cəmlənilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
