Bakı. Məlahət Nəcəfova - APA. Serbiyanın NATO-dakı nümayəndəsi Branislav Milinkoviç Brüssel aeroportunda çoxmərtəbəli dayanağın platformasından atılmaqla intihar edib.
APA-nın verdiyi məlumata görə, bu barədə xəbəri “Associated Press” agentliyi Serbiya hökumətinə istinadən yayıb.
Hadisə dünən axşam saatlarında baş verib. 8-10 metr hündürlükdən düşən 52 yaşlı diplomat hadisə yerindəcə həyatını itirib.
Milinkoviç Serbiya nümayəndə heyətinin digər üzvləri ilə birlikdə Xarici İşlər Nazirliyinin NATO-da danışıqlar aparmaq üçün gələn nümayəndə heyətini qarşılamağa çıxıb və gözlənilmədən özünü platformadan atıb.
Qeyd edək ki, Milinkoviç Serbiyanın Avstriyadakı səfiri vəzifəsini icra edib. Bundan öncə isə jurnalist olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
