Ukrayna Prezident Ofisinin rəhbəri Andrey Yermak uzun fasilədən sonra İran istehsalı “Şahed-136/131” kamikadze dronlarının Rusiya tərəfindən Ukraynaya qarşı istifadə edilməsini şərh edib.
APA xəbər verir ki, bu barədə Yermak "Telegram" hesabında bildirib.
Onun sözlərinə görə, bu hücum Rusiyanın raketlərinin tükəndiyini açıq şəkildə nümayiş etdirir.
“Sanksiyalar sizin texnologiyaya çıxışınızı kəsib, texnoloji cəhətdən geridəsiniz, raketləriniz yavaş-yavaş tükənir və törətdiyiniz terrorda hələ də arzuolunan nəticəni almırsınız və belə olan halda Ukrayna xalqının güclü qətiyyətini qırmaq ümidi ilə ucuz mopedlərinizi qutudan çıxarırsınız”, - o bildirib.
Andriy Yermak vurğulayıb ki, Ukrayna hərbçiləri artıq “mopedlərin” məhv edilməsi metodologiyasını işləyib hazırlayıblar.
“Və sən yenə ortada qaldın. Çünki sən Rusiyasan. Biz isə Ukraynayıq: daha ağıllı, daha güclü, daha yaradıcı və müasir”, - Yermak əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
