Hikmət Hacıyev: “Ermənilərin törətdiyi Xocalı soyqırımına ədalətli qiymət verilsəydi, Ruanda soyqırımı olmazdı”

Hikmət Hacıyev: “Ermənilərin törətdiyi Xocalı soyqırımına ədalətli qiymət verilsəydi, Ruanda soyqırımı olmazdı”
  • Clock-gray 03:38
  • calendar-gray 30 Oktyabr 2020

“Holokost Nürnberq Məhkəməsində qiymətini alandan sonra Holokost oldu”.

APA-nın məlumatına görə, bunu bu gün Ermənistan tərəfindən ölkəmizin cəbhə xəttindən uzaqda yerləşən müxtəlif bölgələrində, o cümlədən Gəncə və digər şəhərlərdə dinc əhaliyə qarşı törədilmiş cinayətlərin istintaqının ilkin nəticələrinə dair brifinqdə Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.

H. Hacıyev deyib ki, Avropa Məhkəməsində Çıraqov işi çərçivəsində Ermənistanın əməli qiymətini alıb: “Eyni zamanda beynəlxalq hərbi tribunal yaradılmasına ehtiyac var ki, bu əməlləri törədənlər beynəlxalq ədalət çərçivəsində də cavab versinlər. Bu kimi cinayətlərin cəzalandırılmaması, bu qəbildən cinayətləri törədən şəxsləri daha da həvəsləndirir. Ermənilərin 1992-ci ildə törətdiyi Xocalı soyqırımına ədalətli qiymət verilsəydi, Ruanda soyqırımı olmazdı”.

Ramiz Mikayıloğlu

Digər xəbərlər