Almaniya Futbol Liqasının Bundesliqa ilə bağlı istəyi reallaşmayacaq.
Apasport.az saytının məlumatına görə, koronavirus pandemiyası ilə əlaqədar dayandırılan çempionat öncədən nəzərdə tutulduğu kimi, matın 9-da bərpa olunmayacaq.
Almaniya hökuməti yarışın bərpa olunması ilə bağlı qərarı gələn həftəyə təxirə salıb. Kansler Angela Merkel və federal əyalət başçıları sammitdə bu məsələni müzakirə ediblər. Hazırlanan qətnamə layihəsi mayın 6-da keçiriləcək növbəti iclasda təqdim ediləcək. Bundesliqanın bərpası ilə bağlı qərar gələn həftəyə qaldığından, oyunların mayın 9-da başlaması müzakirə mövzusu deyil.
Qeyd edək ki, Almaniya Bundesliqasında mübarizə XXV turdan sonra dayandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
