Azərbaycanlı qadınları cinsi istismara məruz qoymaqda təqsirləndirilən Türkiyə vətəndaşı Günəş Nürəttin Şükrünün cinayət işi üzrə məhkəmə prosesi davam edib.
APA-nın məlumatına görə, Bakı Ağır Cinayətlər Məhkəməsində hakim İradə Həsənzadənin sədrliyi ilə keçirilən prosesdə prokuror çıxış edərək G.N.Şükrünün 9 il azadlıqdan məhrum edilməsini istəyib.
Proses dekabrın 25- də davam edəcək.
Qeyd edək ki, G.N. Şükrü 3 azərbaycanlı qadını insan alverinə məruz qoyub. Zərərçəkənlərin şikayəti əsasında Daxili İşlər Nazirliyinin İnsan Alverinə qarşı Baş Mübarizə əməkdaşları tərəfindən saxlanıb. Onun barəsində Cinayət Məcəlləsinin 144-1.2.1-ci (insan alveri, iki və ya daha çox şəxs barəsində törədildikdə) maddəsi ilə ittiham verilib.