İncəsənət

Ana səhifə

İncəsənət

Dövlət Film Fondunda görkəmli rejissor Həsən Seyidbəylinin şəxsi arxiv fondu yaradılıb

08 fevral 2011 13:28 (UTC +04:00)

Bakı. Ülkər Qasımova – APA. Dövlət Film Fondunda görkəmli rejissor, xalq artisti Həsən Seyidbəylinin şəxsi arxiv fondu yaradılıb. Fondun rəhbəri, əməkdar incəsənət xadimi Cəmil Quliyevin APA-ya verdiyi məlumata görə, sənədlər fonda rejissorun oğlu Ziya Seyidbəyli tərəfindən təqdim olunub. 600-ə qədər sənədin arasında Həsən Seyidbəylinin şəxsi sənədləri, ssenariləri, əlyazmaları, montaj vərəqələri, fotoları var.

Qeyd edək ki, Həsən Seyidbəyli “Telefonçu qız”, “Möcüzələr adası”, “Sən niyə susursan?”, “Bizim Cəbiş müəllim”, “O qızı tapın”, “Səadət qayğıları”, “Nəsimi” kimi filmlərə quruluş verib. Əksər filmlərinin ssenarilərini özü qələmə alıb.

Həsən Seyidbəyli