3 oktyabr tarixinə ABŞ-ın ödənilməmiş ümumi dövlət borcu 31,12 trln. dollar təşkil edib.
“APA-Economics” “RBC” saytına istinadən xəbər verir ki, bu barədə ABŞ Maliyyə Nazirliyinin hesabatında məlumat verilib. Bu borcun 6,82 trln. dollarlıq və ya 21,9%-lik hissəsi hökumət daxili borc, geri qalan 24,29 trln. dollarlıq hissəsi isə əsas borclardır.
Qeyd edək ki, nazirlik ölkənin dövlət borcu ilə bağlı hesabatlarını 1993-cü ildən etibarən dərc edir. İlk dərc olunan hesabatda ABŞ-ın dövlət borcu 4,3 trln. dollar olub.
Xatırladaq ki, ABŞ-ın 2022-ci il üçün təsdiq olunmuş ümumi borcun maksimal səviyyəsi 31,4 trln. dollar təşkil edir.
Məlumatda həmçinin qeyd olunub ki, ABŞ-ın cari dövlət borcu tarixi rekord səviyyəyə yüksəlib.
Cavid Əzimov
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
