NATO bazaları alyansa daxil olduqdan sonra Finlandiya və İsveç ərazilərində peyda olarsa, Rusiya buna cavab olaraq şimal-qərbdəki imkanlarını gücləndirməyə məcbur olacaq.
APA-nın Moskva müxbirinin məlumatına görə, bunu Rusiyanın xarici işlər naziri Sergey Lavrov Moskva Dövlət Beynəlxalq Əlaqələr Universitetində (MQİMO) tələbələr qarşısında çıxışında bildirib.
“Əgər bazalar Finlandiya və İsveç ərazilərində yerləşdirilsə, daha doğrusu, NATO bu bazaları onlar üçün yaratmağa qərar versələr, mən əminəm ki, əsas söz amerikalılarda olacaq... Bütün bunların necə reallaşmasından asılı olaraq, əlbəttə ki, biz Rusiyanın şimal-qərbində imkanlarımızı gücləndirmək barədə qərar qəbul edəcəyik. Hər halda NATO ilə təmas xətti köklü şəkildə artacaq”, - deyə Rusiya XİN başçısı vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
