Peşə məktəblərinə işə qəbulla bağlı statistika açıqlanıb.
APA xəbər verir ki, bu barədə Peşə Təhsili üzrə Dövlət Agentliyinin direktor müavini, direktor vəzifələrini icra edən Ceyhun Kərəmov "Media və təhsil dialoqu" mövzusunda keçirilən təlim-seminarda məlumat verib.
O bildirib ki, bu il peşə məktəblərinə direktor və direktor müavinlərinin işə qəbul müsabiqəsi üzrə 22 direktor və 28 direktor müavini vakansiyası təqdim olunub: “Direktor və direktor müavinlərinin işə qəbulu üzrə 581 nəfər müraciət edib və onlardan 323-ü test imtahanında iştirak edib. İxtisas fənn müəllimləri və istehsalat təlimi ustalarının işə qəbulu müsabiqəsi üzrə isə 79 ixtisas fənn müəllimi və 211 istehsalat təlimi ustası vakansiyası təqdim olunmuşdu. Bunun üçün 1328 nəfər müraciət edib və onlardan 765 nəfəri test imtahanında iştirak edib. Yaxın zamanlarda imtahandan uğurla keçmiş şəxslərin iş yerlərinə göndərilməsinə başlanılacaq".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
